कैलालीमा लागूऔषधसहित एक जना पक्राउ

धनगढी–२५ माघ
कैलालीको धनगढीमा लागूऔषधसहित एक युवक पक्राउ परेका छन्।जिल्लाको धनगढी उपमहानगरपालिका–१५ कनरीबाट २१० मिलिग्राम लागूऔषध (खैरो हेरोईन)सहित सोही ठाँउ बस्ने २४ वर्षीय नविन चौधरी बुधवार दिउँसो पक्राउ परेका हुन्। जिल्ला प्रहरी कार्यालय कैलालीबाट खटिएको प्रहरी टोलीले उनको साथबाट उक्त पदार्थ फेला पारी पक्राउ गरेको जनाएको छ। यस सम्बन्धमा प्रहरीले थप अनुसन्धान गरिरहेको छ।