लम्की – १६ चैत्र
कैलालीको लम्कीमा लम्कीचुहा इसाई समाजको आयोजनामा एक दिने वृहत रक्तदान शिविरको आयोजन गरेको छ । जन जागृति माध्यमिक विद्यालय चौँरीको प्रयोजन र नेपाल रेडक्रस सोसाइटी टीकापुरको प्राविधिक सहयोगमा एक दिने वृहत रक्तदान शिविरका आयोजना गरिएको हो ।
समस्त मानव जातिका निम्ति येशू ख्रीष्टले बगाएको रगतको सम्झनामा एक दिने वृहत रक्तदान कार्यक्रमको आयोजना गरिएको थियो ।नेपाल राष्ट्रिय इसाई समाजका सल्लाहकार गगन बिकको संयोजकत्वमा आयोजित एक दिने वृहत रक्तदान शिविरमा ६८ पीन्ट रगत संकलन भएको छ ।
बिहान १० बजे देखि सुरु भएको रक्तदान शिविरमा लम्कीचुहा नगरपालिका भित्रका सम्पूर्ण चर्चका विश्वासी , राजनितिक दलका व्यक्ति ,जनप्रतिनिधि र स्थानीय हरुले रक्तदान गरेका थिए ।
