सौर्य एयरको जहाज दुर्घटनामा १८ जनाको मृत्यु, १ जनाको उपचार हुँदै

काठमाडौ -९ साउन

सौर्य एयरलाइन्सको जहाज दुर्घटना हुँदा १८ जनाको मृत्यु भएको छ ।
नेपाल नागरिक उड्डयन प्राधिकरणले १८ जनाको मृत्यु र एक जना घाइते भएको जनाएको छ । बिहान ११ बजे त्रिभुवन अन्तर्राष्ट्रिय विमानस्थलबाट पोखराका लागि उडेको सौर्य एयरलाइन्सको विमान दुर्घटना हुँदा १८ जनाको मृत्यु भएको प्रहरीले जनाएको हो ।
मर्मतको लागि पोखरा जाने क्रममा रहेको सौर्य एयरलाइन्सको जहाजमा उसकै कर्मचारीहरू थिए । जसमा १८ जनाको मृत्यु भएको छ भने १ जनाको उद्धार गरिएको प्रहरीको भनाइ छ ।