लम्की–०३ असोज
कैलालीको लम्कीचुहा नगरपालिका वडा नम्बर ५ मा बसोबास गर्दै आएको एक मृतक गोपाल सुनारका परिवारलाई रोयल ग्रुपले खाद्यान्नसहित आर्थिक सहयोग गरेको छ। परिवारको दैनिक जीवनयापनलाई सहज बनाउन र आर्थिक संकटको सामना गर्न सहयोग पुर्याउने उद्देश्यल सहयोग प्रदान गरिएको हो। आर्थिक अबस्था निकै कमजोर भएका मृतक सुनार तीन जना छोराछोरी र श्रीमति छोडेर धन कमाउन भारतको मुम्बइ गएका थिए । उनको अचानक एक हप्ता अधि अल्पआयुमा मृत्यु भए पछि परिवारमा निकै संकट परेको थियो ।
परिवारको अभिभावकको असामयिक मृत्यु भएपछि साझ बिहानको छाकटार्न संगै क्रीयाकाग गर्न समेत आर्थिक नभएको खबर पाए पछि रोयल ग्रुपले खाधन्न सहित आथिर्क सहयोग गरेको ग्रुपका अध्यक्ष सुरेश जैगडीले बताए । बिगतका दिन देखि आफ्नो खाजा खर्चबाट बचाएर बिपन्न परिवारमा सहयोग गर्दै आएको स्मरण गराउदै यो पटक पनि सबैले थोरै थोरै रकम संकलन गरेर चामल,दाल,पिठो,नुन तेल लगायतका खाधन्न सहयोग गरेको जानकारी दिए । साथै रोयल ग्रुपका सदस्य सिद्धन्त तिरुवाकी ममतामयी आमाको पुन्य तिथीको अवसरमा नगद तीन हजार दिएका थिए ।
सहयोग हस्तान्तरण कार्यक्रममा लम्कीचुहा नगरपालिका वडा नं.५ की वडाअध्यक्ष माया बिष्ट,वडा सदस्य भक्त बहादुर बुढा सहित स्थानीय प्रतिनिधि, समाजसेवीहरू र गाउँलेहरूको समेत उपस्थिति रहेको थियो।सहयोग प्राप्त गरेका मृतक परिवारका सदस्यहरूले रोयल ग्रुपलाई धन्यवाद व्यक्त गर्दै यो तत्कालिन आवश्यकताहरू पूरा गर्न मद्दत गर्ने बिश्वास ब्यक्त गरेका थिए ।
वडाअध्यक्ष माया बिष्टले रोयल ग्रुपलेको यस कदमको प्रशंसा गरेकी छन। सहयोगले आर्थिक रूपमा कमजोर परिवारहरूलाई ठूलो राहत पुर्याउने बताइन। साथै, यस किसिमको सहयोगले स्थानीय व्यवसायिक तथा संध संस्थाहरु र समाजको अन्य सदस्यहरूलाई पनि सामाजिक उत्तरदायित्व निर्वाह गर्न प्रेरित गर्ने उनले बताइन्।
रोयल ग्रुपले यस अधि पनि बिभिन्न बेलामा आर्थिक सहित खाधन्न बिपन्न परिवारमा सहयोग गरेको छ । ग्रुपमा लम्कीचुहा नगरपालिका भित्र धर भई रोजगारीको शिलशिलामा देश बाहिर रहेका र नेपालमा बिभिन्न पेशा ब्यवसायमा आवद्ध युवाहरु जोडिएका छन ।
