नेपाल–भारत सीमा सुरक्षा निकायको १०औं समन्वय बैठक काठमाडौंमा सुरु बुधबारदेखि शुक्रबारसम्म चल्ने बैठकमा सीमा सुरक्षा, अपराध नियन्त्रण र दुई देशबीचको समन्वय सुदृढीकरणबारे छलफल हुनेछ।

सशस्त्र प्रहरी बल नेपाल र भारतीय सशस्त्र सीमा बलबीच सीमा सुरक्षा, सीमा अपराध नियन्त्रण तथा आपसी सहकार्य अभिवृद्धि गर्ने उद्देश्यले १०औं द्विपक्षीय समन्वय बैठक काठमाडौंमा सुरु भएको छ। बैठकमा दशगजा अतिक्रमण, सीमा स्तम्भ संरक्षण, मानव तस्करी, लागूऔषध तथा अवैध हातहतियार ओसारपसार नियन्त्रण र विपद् जोखिम न्यूनीकरणबारे छलफल हुनेछ। बैठकले नेपाल–भारत सीमावर्ती क्षेत्रमा शान्ति, सुरक्षा र सद्भाव कायम गर्न दुवै सुरक्षा निकायबीचको समन्वयलाई थप प्रभावकारी बनाउने विश्वास गरिएको छ।