राजनीति
राजनीति सम्बन्धी ताजा समाचारहरू
संघीय संरचनालाई चुस्त र प्रभावकारी बनाउनुपर्छ : सांसद झा
सांसद झाले रास्वपा संघीयताविरोधी नभई संघीय संरचनालाई थप चुस्त, दुरुस्त र प्रभावकारी बनाउनुपर्ने पक्षमा रहेको बताए ।
एनपीएल नेपाली प्रतिभा, निजी क्षेत्रको सामर्थ्य र राष्ट्रिय एकताको सुन्दर संगम हो : मन्त्री गौतम
कानुन, न्याय तथा संसदीय मामिलामन्त्री सोविता गौतमले भनिन्, 'मैदानमा जुनसुकै टिमले जितोस्, अन्ततः जित नेपाली क्रिकेटकै हुनेछ ।'
प्रदेश र स्थानीय तह चुनावका लागि नजिकिँदै ओली–दाहाल
प्रदेश र स्थानीय तह निर्वाचनमा सहकार्यका लागि एमाले अध्यक्ष केपी शर्मा ओली र नेकपा संयोजक पुष्पकमल दाहालले गृहकार्य थालेका छन्। दुवै दलले स्थानीय तथा जिल्ला कमिटीमार्फत गठबन्धनको आधार तयार गर्न तल्ला तहलाई अनौपचारिक निर्देशन दिएका छन्। प्रदेश सरकारमा सुरु भएको सहकार्यलाई सडक, संसद् र आगामी निर्वाचनसम्म विस्तार गर्दै वामपन्थी मतको क्षयीकरण रोक्ने दुवै नेताको तयारी छ। तर तत्काल पार्टी एकता गर्ने सम्भावना नरहेको दाहालले स्पष्ट पारेका छन्
चुनावी तिक्ततालाई अन्त्य गर्नुपर्छ : सभापति थापा
नेपाली कांग्रेसका सभापति गगनकुमार थापाले पार्टीभित्रको आन्तरिक तिक्तता अन्त्य गर्दै टाढिएका मतदातासँग पुनःसंवाद थाल्नुपर्ने बताएका छन्। उनले पाका नेताको अनुभव र युवाको ऊर्जालाई संयोजन गर्दै गाउँ–गाउँमा खटिन तथा आगामी स्थानीय निर्वाचनमा उम्मेदवार छनोटको अधिकार तल्लो तहलाई दिने प्रतिबद्धता व्यक्त गरे।
समानान्तर महाधिवेशन गर्न देउवा पक्षले अझै पाएन ठाउँ| फोहोर हुने भन्दै खुलामञ्चमा सार्वजनिक कार्यक्रम गर्न काठमाडौं महानगरपालिकाले नदिने, भृकुटीमण्डपमा माइकिङ गर्न नपाइने सर्त
कांग्रेसका पूर्वसभापति शेरबहादुर देउवा पक्षले २१–२३ मंसिरमा समानान्तर महाधिवेशन गर्ने तयारी गरे पनि आठदेखि १५ हजार सहभागी अट्ने स्थान अझै तय गर्न सकेको छैन। खुलामञ्चमा अनुमति नपाएपछि भृकुटीमण्डपसहितका विकल्पमा छलफल भइरहेको छ। वडा, प्रदेश र निर्वाचन क्षेत्रका अधिवेशनहरू अझै पूरा नभए पनि देउवा पक्षले तोकिएकै मितिमा महाधिवेशन गर्ने दाबी गरेको छ। महाधिवेशनमा निर्वाचित, पदेन, मनोनीत तथा विभिन्न संस्थाबाट गरी आठ हजारभन्दा बढी प्रतिनिधि सहभागी हुने संरचना बनाइएको छ।
वैदेशिक रोजगार न्यायाधिकरणको क्षेत्राधिकारमाथि सर्वोच्चको प्रश्न : ५ प्रश्नोत्तरमा बुझ्नुहोस्
मलेसियाले सूचीकृत गरेका २५ म्यानपावर कम्पनीमाथि अनुसन्धानका क्रममा वैदेशिक रोजगार विभागले व्यवसायी रविन गुरुङलाई पक्राउ गरी थुनामा राखेको थियो। वैदेशिक रोजगार ऐनअनुसार मुद्दा हेर्ने अधिकार विभागलाई मात्र भएकाले न्यायाधिकरणबाट पक्राउ अनुमति लिएर गरिएको थुनालाई सर्वोच्च अदालतले क्षेत्राधिकारविहीन र गैरकानुनी ठहर गरेको छ। न्यायाधीश हरिप्रसाद फुयाँल र टेकप्रसाद ढुङ्गानाको इजलासले संविधानको धारा १३३(२) बमोजिम गुरुङलाई तत्काल थुनामुक्त गर्न आदेश दिएको हो।
आनीको सम्पत्ति शुद्धीकरण अनुसन्धान तामेलीमा पनि छैन, अनुसन्धान पनि गरिएन
गायिका आनी छोइङ डोल्मामाथि २०७५ सालदेखि चलाइएको सम्पत्ति शुद्धीकरणसम्बन्धी अनुसन्धान न त टुंगिएको छ, न त औपचारिक रूपमा तामेलीमा राखिएको छ। यस्तो अवस्थामा उनलाई लुम्बिनी विकास कोषको उपाध्यक्ष नियुक्त गरिएपछि निर्णयमाथि प्रश्न उठेको छ। हङकङबाट उनको खातामा आएको करिब १६ लाख ५० हजार अमेरिकी डलर शंकास्पद देखिएपछि रकम रोक्का र अनुसन्धान सुरु गरिएको थियो, तर दबाब र प्रक्रियागत विवादका बीच खाता फुकुवा भएको विवरण सार्वजनिक भएको छ। आनीले आफूलाई बदनाम गर्न सम्पत्ति शुद्धीकरण र १८ करोड रुपैयाँको विषय उठाइएको दाबी गरेकी छन् भने उनको नियुक्तिविरुद्ध लुम्बिनी बचाउ महाअभियानले विरोध जारी राखेको छ।